लकडाउनका कारण तीन सय शिक्षक कर्मचारीको जागिर गयो

८ साउन, काठमाडौं । कोरोना महामारीले निम्त्याएको लकडाउनका कारण निजी विद्यालयका तीन सय शिक्षक–कर्मचारीले जागिर गुमाएका छन । काठमाडौं उपत्यकामा मात्रै ४८ शिक्षक निष्काशनमा परेका छन ।

निष्काशनमा परेका शिक्षक–कर्मचारीलाई तुरुन्त पुनर्बहाली नगरे आफूहरूले कडा आन्दोलन गर्ने निजी विद्यालय संघ संस्थाहरुको चेतावनी छ । यो विषय शिक्षा मन्त्रालय, शिक्षा तथा मानव स्रोत विकास केन्द्र, स्थानीय सरकारहरूलाई पनि अवगत गराइएको छ ।

जागिर गरिरहेका कतिपय शिक्षक–कर्मचारीले तलब पाएका छैनन् । तलब नपाएपछि उनीहरुले आन्दोलन समेत गरेका थिए । आन्दोलन गरेकैले कतिपयलाई निजी विद्यालयले कारबाही स्वरुप जागिरबाट निकालेको उनीहरुको गुनासो छ ।