थप १४७ जनालाई कोरोना, १५६ जना डिस्चार्ज

८ साउन, काठमाडौं । नेपालमा थप १ सय ४७ जनामा कोरोना संक्रमण पुष्टि भएको छ । बिहीबार विभिन्न प्रयोगशालामा गरिएको परीक्षणमा १ सय ४७ जनालाई संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यससँगै नेपालमा कोरोना संक्रमितको संख्या १८ हजार २४१ पुगेको छ । त्यस्तै पछिल्लो २४ घण्टामा थप १५६ जना कोरोना संक्रमित निको भइ घर फर्केका छन्।

प्रवक्ता गौतमका अनुसार नेपालमा अहिले सक्रिय संक्रमितको संख्या ५ हजार ३५८ रहेको छ। आज ३ हजार ४८१ जनाको आरटीपीसीआर परीक्षण गरिएको थियो।

योसँगै नेपालमा कोरोनालाई जित्नेको संख्या १२ हजार ८४० पुगेको छ। कोरोनाका कारण अहिलेसम्म नेपालमा ४३ जनाको मृत्यु भएको छ। बिहीबार मात्रै एक जनाको मृत्यु भएको थियो ।