हवाई उडानका लागि टिकट बुकिङ खुला

८ साउन, काठमाडौं । सरकारले हवाई उडान खोल्ने निर्णय गरेपछि वायुसेवा कम्पनीहरुले टिकट बुकिङ खुला गरेका छन् । नेपाल नागरिक उड्डयन प्राधिकरणले यात्रु, वायुसेवा प्रदायक कम्पनी र विमानस्थल संचालनका दौरान पालना गर्नुपर्ने स्वास्थ्य सुरक्षा निर्देशिका जारी गरेको छ ।

नेपाल नागरिक उड्डयन प्राधिकरणका उपमहानिर्देशक राजकुमार क्षेत्रीका पहिलो चरणमा सिमित गन्तव्य खोल्ने तयारी छ । तर खुलेका गन्तव्यमा भने पुरै सीटमा यात्रु राखेर उडान गर्न दिने तयारी छ ।

सीटमा यात्रु संख्या घटाउँदा भाडा महंगो पर्ने भएकाले स्वास्थ्य सुरक्षाका मापदण्ड पालना गरेर पुरै सिटमा यात्रु राख्ने तयारी रहेको निगमले जनाएको छ । सरकारले आन्तरिक तथा बाह्य उडान यसअघि नै खोल्ने निर्णय गरिसकेको छ ।यसबीचमा संस्कृति, पर्यटन तथा नागरिक उड्ययन मन्त्रालयले प्रोटोकल बनाउनेछ ।