सीमावर्ती क्षेत्रमा १२५ वटा विओपी निर्माण हुने
नेपालबहस संवाददाता
साउन ८, २०७७ शुक्रबार ३:४७:३९
८ साउन, विराटनगर । नेपाल सरकारको सहमतिमा नेपाल राष्ट्र बैंकले हालै सार्वजनिक गरेको मौद्रिक नीतिले उद्योगी र व्यवसायी उत्साहित बनेका छन् ।
उद्योगी व्यवसायीले सङ्घीय सरकारले चालू आवका लागि सार्वजनिक गरेको राष्ट्रिय बजेटबाट उद्योगी एवं व्यवसायी उत्साहित हुन नसके पनि मौद्रिक नीतिबाट हाम्रो क्षेत्रमा धेरै टेवा पुग्ने भएकाले यसको सफल कार्यान्वयनमा सरकारले ध्यान दिनुपर्ने बताएका छन् ।
कोरोनाका कारण निजी क्षेत्रले अर्थतन्त्रमा खेल्ने भूमिका खेल्न नसकेको र उद्योग एवं व्यापार नै सङ्कटमा परेको बेलामा मौद्रिक नीति सार्वजनिक हुनुले हामीमा खुशी छाएको मोरङ व्यापार सङ्घका अध्यक्ष प्रकाश मुन्दडा र उद्योग सङ्गठन मोरङका अध्यक्ष भीम घिमिरेले जानकारी दिए।
मोरङ व्यापार सङ्घ, उद्योग सङ्गठन र विराट व्यापार सङ्घद्वारा आज यहाँ आयोजित स्वागत तथा भेटघाट कार्यक्रममा उद्योगीहरुले पूर्व क्षेत्रमा पर्यटनको विकास गर्न र माउण्टेन उडान भर्न विराटनगर विमानस्थलको स्तरोन्नति हुनुपर्नेमा जोड दिए ।
उनीहरुले राज्य कोषलाई बलियो बनाउने र अहिले कोरोनाका कारण संकट व्यहोरिरहेका निजी क्षेत्रका होटल व्यावसाय, पर्यटन व्यवसाय, शैक्षिक संस्थालाई उकास्न सरकारले ध्यान दिनुपर्ने उल्लेख गर्दै विराटनगमा लामो समयदेखि उद्योगी र व्यापारीले माग गर्दै आएको उद्योग प्रदर्शनी केन्द्रको निर्माण गर्न सङ्घीय सरकारले मद्दत गर्नुपर्ने बताए ।
नेपाल कम्युनिस्ट पार्टी ‘नेकपा’ का नेता एवं पूर्वमन्त्री लालबाबु पण्डितले उद्योग एवं व्यापार क्षेत्रमा तत्काल सरकारले गर्न सक्ने मात्र सुझाव दिन उद्योगी एवं व्यापारीलाई आग्रह गरे। उनले नेपाल भित्रका व्यापार फस्टाउन सरकारले आवश्यक कदम चाल्ने बताउँदै स्वदेशी व्यापार फस्टाउनका लागि नेपालीलाई सीमावर्ती बजारतर्फ जान रोकिनुपर्ने धारणा व्यक्त गरे । नेता पण्डितले नेपाल सरकारले सीमालाई व्यवस्थित गर्न सीमावर्ती क्षेत्रमा विओपी ९बोर्डर आउट पोस्ट० बनाएको र चालू आवमा १२५ वटा व्यवस्थित विओपी बनाउने जानकारी दिए ।
उनले केही वर्ष भित्रैमा नेपाल सरकारले नेपाल र भारतको सिमाना नजिक रहने ५०० विओपीलाई व्यवस्थित गरिसक्ने जानकारी दिदैं सीमा क्षेत्रलाई व्यवस्थित गर्ने योजना अनुरुप सरकारले पूर्वाधारअन्तर्गत सडक, बिजुली, टेलिफोन पनि विस्तार गर्ने बताए।
विराटनगर महानगरपालिका क्षेत्रमा निर्माण हुने चक्रपथको उचाइ बढाउने जसबाट विराटनगर क्षेत्र बाढी र डुबानबाट जोगिने जानकारी दिँदै नेता पण्डितले विराटनगरको पश्चिम क्षेत्रमा रहेका नहरलाई वाइपास सडक निर्माण गर्न सरकारले रु २० करोड बजेट विनियोजन गरेको छ भने ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसुनसरीबाट करीब ४८० केजी गाँजा बरामद
भदौ २६, २०८१ बुधबार
गृह मन्त्रालयले सशस्त्र प्रहरी सम्बन्धी विधेयक अर्थमा पठायो
भदौ २१, २०८१ शुक्रबार
न्यून कार्बन उत्सर्जन गर्न ऊर्जा प्रभावकारी भवन निर्माण आवश्यक छ : उपप्रधानमन्त्री सिंह
असोज ११, २०८१ शुक्रबार
नेपाली कांग्रेस शिक्षा विभागमा १० सदस्य मनोनीत
असोज ११, २०८१ शुक्रबार
त्रिभुवन अन्तर्राष्ट्रिय विमानस्थलमा चङ्गा, ड्रोन र बेलुन उडाउनेलाई कारबाही गरिने
असोज ११, २०८१ शुक्रबार
उखु र दुध किसानको भुक्तानीका लागि रकम निकासा
असोज ११, २०८१ शुक्रबार
उपत्यकाका नदीहरुमा पानी सतह बढ्यो, बागमती नदीले खतराको तह पार गर्यो
असोज ११, २०८१ शुक्रबार
न्यायाधीश सिफारिस गरेकोप्रति बारको असन्तुष्टि
असोज ११, २०८१ शुक्रबार