बैंक तथा वित्तिय संस्थाका सबै शाखा कार्यालय खुला

९ साउन, काठमाडौं । नेपाल राष्ट्र बैंकले निर्देशन जारी गरेपछि बैंक तथा वित्तीय संस्थाहका सबै शाखा कार्यालय नियमित रुपमा सञ्चालन हुन थालेका छन् । लकडाउनका कारण अहिले पनि सिमित शाखा मात्रै खुलेका बेला राष्ट्र र्बैकले सबै शाखा कार्यालय खुला राखेर सेवा दिन निर्देशन जारी गरेको थियो ।

यसअघि खोलिएका कार्यालय पनि केही घण्टामै बन्द हुने क्रम पनि रोकिएको छ । अहिले बैंकका शाखा कार्यालय दिनभरजसो खुला रहन थालेका छन् । राष्ट्र बैंकको निर्देशन अनुसार अब नियमित झै पुरै सयम सबै शाखाहरुबाट सेवा प्रदान हुन थालेको नेपाल बैंकर्स संघले जनाएको छ ।

सरकारको निर्देशनपछि बैंक तथा वित्तिय संस्थासँग सम्बन्धित कार्यालय पनि खुल्न थालेका छन् । यसअघि लकडाउन हटाएसँगै सरकारी कार्यालयमा समेत लागु भएको सिफ्ट पद्धति हटाएर पूरै समय कार्यालय खुला गर्न मन्त्रिपरिषद बैठकले निर्णय गरेको थियो ।