नेकपा नफुट्ने माधव नेपालको दाबी

९ साउन, काठमाडौं । सत्तारुढ नेकपाको विवाद उत्कर्षमा रहेका बेला वरिष्ठ नेता ले पार्टी नफुट्ने दाबी गरेका छन् । साथै उनले आफू आफ्नै कारणले चौतर्फी बदनाम हुदै गर्दा पार्टीलाई समेत बदनाम नगर्न पनि चेतावनी दिएका छन् ।

खासगरी प्रधानमन्त्री केपी शर्मा ओलीप्रति लक्षित गर्दै नेपालले कम्युनिष्ट आन्दोलनलाई कमजोर बनाउने मुर्खता नगर्न चेतवानी दिएका हुन् ।

पुष्पलाल श्रेष्ठ र नरबहादुर कर्माचार्यको स्मृति दिवसको अवसरमा शुक्रबार काठमाडौंमा आयोजित कार्यक्रमलाई सम्बोधन गर्दै नेता नेपालले विधिको पालना नगरेर मै राज्य हुँ भन्ने मुर्खताले समस्या निम्तिएको बताए ।

नेता नेपालले कार्यकर्ताले चिन्ता गरेजस्तो नेकपा कुनै हालतमा नफुट्ने दोहो¥याएका छन् । ‘कसैले फुटाउन खोज्यो भने चोइटिएर जाला तर कम्युनिष्ट पार्टी फुट्नेवाला छैन’ कार्यक्रममा उनले भने ।