सप्तरीमा एक न्यायाधिशसहित सात जनामा कोरोना संक्रमण

◊ धीरुभाइ

११ साउन, सप्तरी । सप्तरीमा एक न्यायाधिशसहित सात जनामा कोरोना संक्रमण पुष्टि भएको छ । उच्च अदालत जनकपुर, राजविराज इजलासका ५८ वर्षीया न्यायाधिशसँगै विभिन्न क्वारेन्टाइनमा थपिएका उनीहरुसँगै सप्तरीमा संक्रमितको संख्या ४३४ पुगेको छ ।

आज तिरहुत गाउँपालिका वार्ड नम्बर २ का ३९, वार्ड नम्बर ३ का ३६, वार्ड नम्बर ४ का २६, वार्ड नम्बर ५ का २८,२८ वर्षका गरी पाँच, र राजविराज नगरपालिकाका वार्ड नम्बर नखुलेका ५८ वर्षका पुरुषसहित दुई जना गरी कूल सात जनामा कोरोना संक्रमण भेटिएको स्वास्थ्य कार्यालय सप्तरीका शर्मिला चौधरीले बताए ।

राजविराज स्थित सञ्चालित आइसोलेशन अस्पताल केन्द्रमा नयाँ संक्रमतिहरुलाई ल्याउने तयारी भइरहेको स्वास्थ्य कार्यालय सप्तरीका निमित प्रमुख दुनियालाल यादवले बताए ।