९.९९ प्रतिशतमा सांग्रिला डेभलपमेन्ट बैंकको शेयर कर्जा, खरिद अगाडि नै कर्जा सीमा

११ साउन, काठमाडौं । सांग्रिला डेभलपमेन्ट बैंक लिमिटेडले आफ्ना ग्राहकहरुलाई लक्षित गरि सांग्रिला शेयर कर्जा योजना सार्वजनिक गरेको छ ।

यस योजनामा ९.९९ प्रतिशत व्याजदरमा शेयर खरिद अगाडी नै कर्जा सीमा प्रदान गरिने तथा आपूmसँग भएको शेयर धितो राखेर पनि कर्जा लिन सकिने बैंकका प्रमुख कार्यकारी अधिकृत सुयोग श्रेष्ठले जानकारी दिएका छन् ।

यस शेयर कर्जा योजना अन्तर्गत ग्राहकले आफनो आवश्यकता अनुसार कर्जा सीमा थप-घट गर्न पनि सक्ने अधिकृत श्रेष्ठको भनाइ छ । यस्तो कर्जा दुई दिन भित्रै स्वीकृत हुने बताइएको छ ।

बैंकलाई आम जनमानसले गरेको प्रगाढ विश्वास, अगाध स्नेह र बैंकप्रतिको भरोसाले गर्दा मुलुकभर ९१ शाखा कार्यालयहरु, ३० एटीएम, साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई बैंकले पालना गर्दै आएको बैंकले दावी गरेको छ ।