कोरोनाले स्याङ्जाका युवाको साउदीमा ज्यान गयो

१२ साउन, स्याङ्जा । कोरोना भाइरसको संक्रमणका कारण स्याङ्जाका युवाको साउदी अरबमा मृत्यु भएको छ । साउदी अरबको दमाम सेन्ट्रल अस्पतालमा ३५ दिनदेखि कोरोनाको उपचार गराइरहेका गल्याङ नगरपालिका ८ का रोशन श्रेष्ठको मृत्यु भएको हो ।

श्रेष्ठ नेपालमा लकडाउन हुनुभन्दा केही दिनअघि मात्रै साउदी पुगेका थिए । श्रेष्ठ स्याङ्जा सहयोग समाज लगायतका सङ्घ संस्थामा सक्रिय थिए । श्रीमतीसहित साउदीमा बस्दै आएका श्रेष्ठ बिदामा घर आएपछि श्रीमतीलाई काठमाण्डौमै छोडेर एक्लै साउदी लागेका थिए ।

तर उनी साउदीबाट भने जिवित फर्किन पाएनन् ।