स्याङजाका एसपीलाई कोरोना संक्रमण

१२ साउन, स्याङ्जा । स्याङ्जाका प्रहरी प्रमुखलाई कोरोना संक्रमण पुष्टि भएको छ । आइतबार गरिएको परीक्षणमा एसपीसहित १८ जना प्रहरी कर्मचारी कोरोना संक्रमण पुष्टि भएको हो । १८ जनामध्ये एक जना महिला कर्मचारी छन् ।

साउन ७ गते प्रहरीमा एकाएक ज्वरो आउने र रुघा लाग्ने भएपछि साउन ८ गते स्वाब संकलन गरी परीक्षणका लागि पोखरा पठाइएको थियो । ९८ जना प्रहरी र हिरासतमा रहेका ४ जना गरी १०२ जनाको स्वाब संकलन गरी परीक्षणका लागि पठाइएकोमा ४० जनाको मात्र रिपोर्ट आएको स्वास्थ्य कार्यालयले जनाएको छ ।

यसअघि स्याङ्जामा कार्यरत ३ जना प्रहरीमा कोरोना देखिएको थियो । संक्रमित सबै जनालाई पुतलीबजारको करेन्डाँडा र हेलुमा रहेको कालिका अस्पतालको आइसोलेसन सेन्टरमा राख्ने तयारी गरिएको छ ।