बौद्धका व्यापारीसहित परिवारलाई कोरोना

१२ साउन, काठमाण्डौ । महाबौद्ध क्षेत्रका कपडा व्यवसायीसहित उनको घरपरिवार कोरोनाबाट संक्रमित भएको छ । काठमाडौं महानगरपालिकाको बौद्ध वडा कार्यालयले सार्वजनिक सूचना निकालेर उनलाई कोरोना संक्रमण पुष्टि भएको जानकारी दिएको हो ।

साथै सुचनार निकालेर वडा कार्यालयले गणेश मन्दिरदेखि महाबौद्ध स्तुपासम्मका व्यवसायीहरुको पीसीआर परीक्षणका लागि स्वाब संकलन भएको जनाएको छ । सो रिर्पोट नआउञ्जेल सतर्क भएर बस्न पनि आग्रह गरिएको छ ।

संक्रमित व्यववसायीका छोरी र नातिनी भारतबाट फर्केकाले कोरोना सरेको आशंका गरिएको छ । काठमाडौंमा पहिलो पटक कपडा पसलका व्यापारीलाई कोरोना देखिएपछि समूदायस्तरमै कोरोना फैलिएको आशंका गरिएको छ ।