सानेपामा देउवाविरुद्ध पौडेलको भेला !

१३ साउन, काठमाडौं । कांग्रेस सभापति शेरबहादुर देउवाविरुद्ध वरिष्ठ नेता रामचन्द्र पौडेल समूहले पार्टी कार्यालय सानेपामा छुट्टै भेला आयोजना गरेको छ । सभापति देउवाले महाधिवेशन प्रभावित पार्ने गरी गतिविधि अगाडी बढाएपछि पौडेल पक्षले छुट्टै भेला आयोजना गरेको हो ।

पौडेल पक्षको भेलामा वर्तमान पदाधिकारी, केन्द्रीय सदस्य र पूर्व पदाधिकारी पनि सहभागी छन् । कांग्रेस सभापति शेरबहादुर देउवाले पार्टीका विभागहरुमा पदाधिकारी तथा सदस्य मनोनयन तीब्र बनाएका छन् । तर पौडेल समूहले भने त्यसको विरोध गर्दै आएको छ । जसका लागि विशेष रणनीति बनाउन सानेपामा छुट्टै भेला आयोजना गरेको हो ।