काठमाडौंमा थप १५ जनालाई संक्रमण

१४ साउन, काठमाडौं । पछिल्लो दिन संक्रमण बढ्दै जाँदा काठमाडौं उपत्यकामा बुधबार भने १५ जनामा कोरोना देखिएको छ । विभिन्न जिल्लामा परीक्षण गरिएकामध्ये काठमाडौंमा १४ र भक्तपुरमा १ जना गरी १५ जनामा संक्रमण पुष्टि भएको हो ।

यसअघि हिजो आजसम्मकै धेरै ५३ जनामा संक्रमण पुष्टि भएको थियो । यो सँगै अब काठमाडौंमा कोरोना संक्रमितको संख्या ४९१ पुगेको छ । जसमा काठमाडौंमा ३५० जना, ललितपुरमा ९० र भक्तपुरमा ५१ जना रहेका छन् ।

नेपालभर बुधबार थप २ सय १० जनामा संक्रमण पुष्टि भएको छ । यससँगै नेपालमा संक्रमितको संख्या १९ हजार २७३ पुगेको छ ।