केन्द्रीय समिति बैठक माग गर्दै ओली–प्रचण्डलाई १५२ नेताको लिखित पत्र

१४ साउन, काठमाडौं । सत्तारुढ नेकपाका नेताहरुले केन्द्रिय कमिटी बैठककाे माग गरेका छन् । बुधबार १५२ केन्द्रीय सदस्यले पार्टी अध्यक्ष केपी शर्मा ओली र प्रचण्डलाई केन्द्रीय कमिटी बैठककाे माग गर्दै पार्टी कार्यालयमा लिखित पत्र बुझाएका हुन ।

स्थायी कमिटी बैठकबाट पार्टीको विवाद नटुंगिएको भन्दै उनीहरुले केन्द्रिय समिति बैठक माग गरेका हुन् । पार्टीभित्रको विवादले आफूहरुलाई चिन्तित बनाएको पनि नेताहरुको पत्रमा उल्लेख छ ।

नेकपाको अन्तरिम विधान, २०७५ को धारा ५९ क ४ अनुसार एक चौथाई सदस्यले बैठक माग गरेपछि एक महिनाभित्र नेतृत्वले बैठक बोलाउनुपर्ने व्यवस्था छ । १ सय ५० जनाभन्दा बढी नेताहरुले हस्ताक्षर नै बुझाएपछि ओलीलाई अब केन्द्रिय कमिटी बोलाउनुपर्ने दबाब बढेको छ ।