सांग्रिला डेभलपमेन्ट बैंकले ल्यायो ९.९९ प्रतिशत ब्याजदरमा घर कर्जा योजना

१५ साउन, काठमाडौं । सांग्रिला डेभलपमेन्ट बैंक लिमिटेडले आफ्ना ग्राहकहरुको सुबिधालाई ध्यानमा राखी सांग्रिला घर कर्जा योजना सार्वजनिक गरेको छ । यस योजना अन्तर्गत ऋणीले ९.९९ प्रतिशत व्याजदरमा सांग्रिला घर कर्जा पाउने छन् ।

बैंकका प्रमुख कार्यकारी अधिकृत सूयोग श्रेष्ठका अनुसार घर कर्जा योजना अन्तर्गत ग्राहकहरुले आफनो आवश्यकता अनुसार नयाँ आवासीय जग्गा खरिद, आवासीय घर निर्माण तथा अपार्टमेण्ट खरिदका लागि कर्जा लिन सक्नेछन् ।

यस कर्जा अन्तर्गत ग्राहकलाई हजारको कोरोना बीमा तथा ५ लाखसम्मको दुर्घटना बीमा समावेश गरिएको अधिकृत श्रेष्ठले बताए ।

बैंकलाई आम जनमानसले गरेको प्रगाढ विश्वास, अगाध स्नेह र बैंकप्रतिको भरोसाले गर्दा मुलुकभर ९१ शाखा कार्यालयहरु, ३० एटीएम, साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई यस बैंकले पालना गर्दै आएको बैंकले जनाएको छ ।