विद्यालयका क्वारेन्टाइन र आइसोलेसन कक्ष बन्द !

१५ साउन, काठमाडौं । लकडाउन खुलेर पठनपाठन शुरु हुने भएपछि विद्यालयमा रहेका क्वारेन्टाइन र आइसोलेसन कक्ष अब हटाइने भएको छ । गएको सोमबार बसेको मन्त्रिपरिषद बैठकले विद्यालय भवन परिसरलाई निर्माण गरिएका क्वारेन्टिन तथा आइसोलेसन कक्ष हटाउने निर्णय गरेको हो ।

अहिले भएका क्वारेन्टाइन र आइसोलेसन तत्काल हटाउने र ती क्षेत्रलाई स्थानीय तहले निर्मलीकरण गर्ने पनि सरकारको निर्णय छ । विद्यालय आउन जान असर हुने गरी कोरोना महामारी रोकथाम र नियन्त्रणसम्बन्धी संरचना नराख्ने पनि मन्त्रिपरिषद बैठकको निर्णय छ ।

सरकारले शैक्षिक सत्र २०७७७८ के विद्यार्थी भर्ना भदौ १ देखि सुरु गर्ने बताएको छ । भदौदेखि पठनपाठन शुरु हुने भएपछि अहिले रहेका आइसोलेसन र क्वारेन्टाइन बन्द गर्ने निर्णय भएको हो ।