सडक स्तरीकरणको लागि तीन पटक म्याद थप्दा ५२ प्रतिशत मात्रै काम
नेपालबहस संवाददाता
साउन १६, २०७७ शुक्रबार १८:३३:२८
१६ साउन, मकवानपुर । चन्द्रागिरिदेखि काठमाडौँको थानकोटस्थित पानीघाटसम्म जोड्ने सडक स्तरीकरणको लागि तीन पटकसम्म म्याद थप्दा अहिलेसम्म ५२ प्रतिशत मात्र काम भएको छ । सडक निर्माणको काम पूरा नहुँदा स्थानीय बासिन्दाले निकै सास्ती खेप्न बाध्य भइरहेका छन् ।
थाहा नगरपालिकाको चनवनदेखि चन्द्रागिरि नगरपालिकाको पानीघाटसम्म जोड्ने गणेशमान सिंह मार्गअन्तर्गत २२।५ किलोमिटर सडकको विस्तृत परियोजना प्रतिवेदन–डिपिआरअनुसार २०७३ सालमै दुईवटा ठेक्का भएको थियो । तीमध्ये मकवानपुरतर्फको १४।२ किलोमिटर सडकको ठेक्का सम्झौताअनुसार ससाना कामबाहेक पिचको काम मात्र बाँकी रहेको भए पनि काठमाडौँतर्फको ८।३ किलोमिटर खण्डको काम अघि बढ्न नसक्दा स्थानीय जनताले सास्ती खेप्न बाध्य भइरहेका हुन् ।
चन्द्रागिरिदेखि पानीघाटसम्मको सडक स्तरोन्नतिको लागि २०७३ साउन १७ गते पिएस किराँतेश्वर जेभीसँग सम्झौता गरी काम अघि बढाइएको थियो । शुरुमा १५ महिनामा काम सम्पन्न गर्ने गरी सम्झौता भएकोमा सम्झौताको चार वर्ष पूरा हुँदा पनि सम्पन्न हुन सकेको छैन । “अहिलेसम्म तीन पटक म्याद थपिसकेका छौँ, पछिल्ला सम्झौता गएको वैशाख १५ गते सकिएको छ, अहिलेसम्म ५२ प्रतिशत काम भएको छ”, सडक विभागअन्तर्गतको चित्लाङ थानकोट सडक आयोजनाका प्रमुख वीरेन्द्र गौतमले भने ।
नेपाल सरकारको असार अन्तिम साता बसेको मुख्य सचिवस्तरीय बैठकले कोभिड–१९ का कारण काम गर्न समस्या भएकाले निर्माण सम्पन्न हुन नसकेका ठेक्कामा छ महिना म्याद थप्ने निर्णय गरेको छ । चन्द्रागिरि–थानकोट सडकका सरोकारवाला भने पुनः म्याद थपिए पनि काम सम्पन्न हुनेमा विश्वस्त हुन सकिरहेका छैनन् । मकवानपुरका प्रदेश सांसद कुमारी मोक्तानले भन्नुभयो, “यही सम्झौताबाट काम होलाजस्तो लाग्दैन । बरु केही समय ढिलै भए पनि यो ठेक्का सम्झौता भङ्ग गरी अर्को ठेक्काको प्रक्रियामा जानुपर्छ ।”
सडक चौडा गर्ने, काट्ने, ठाउँठाउँमा पर्खाल निर्माण गर्नेलगायत काम गर्ने गरी भएको सम्झौताबमोजिम काम शुरु गरेको पिएस किराँतेश्वर जेभीले भने आयोजना कार्यालय, स्थानीय बासिन्दा र सरोकारवालाले सहयोग नगरेको कारण निर्माण कार्यले गति लिन नसकेको गुनासो गरेको छ । उक्त कम्पनीका प्रतिनिधि सनकसिं राईले भने, “सडक खन्दा निस्किएको ढुङ्गा–माटो थुपार्ने ठाउँ छैन । ढुङ्गा बेच्न पनि पाइएको छैन ।”
सडक चौडा पार्ने क्रममा निस्किएको ढुङ्गा बिक्री गर्न वन कार्यालयले छुट्टै बोलपत्र आह्वान गरेको थियो । यसको ठेक्कासमेत पाएको पिएस किँरातेश्वरले ढुङ्गाकै व्यवस्थापन गर्न नसक्दा सडकको काम गर्न नसकेको बताएको छ । वन कार्यालयले बोलपत्र गरेको ढुङ्गा उठाउने कार्य सडक आयोजनाको सरोकारको विषय नभएको भन्दै सडक आयोजना कार्यालय ठेकेदारको गुनासो सुन्ने पक्षमा देखिँदैन । चन्द्रागिरि नगरपालिकाले भने ढुङ्गा सङ्कलनस्थलकै अभावका कारण सडकको काम रोकिएको हो भने त्यसमा सहयाग गर्न तयार रहेको जनाएको छ । नगरपालिकाकी उपप्रमुख लिसा नकर्मीले सडक खन्दा निस्किएको ढुङ्गा सङ्कलन गर्ने ठाउँ तुरुन्तै उपलब्ध गराइने बताएका छन् । चन्द्रागिरि नगरपालिका–४ का वडा अध्यक्ष कृष्णप्रसाद खड्गीले भने, “बहाना गरेर सडकको काम रोक्न पाइँदैन, खबर पाएको एक घण्टाभित्र ढुङ्गा थुपार्ने ठाउँ देखाइदिन्छौँ ।”
यसैबीच वाग्मती प्रदेशका भौतिक पूर्र्वाधार विकासमन्त्री रामेश्वर फँुयालले सबै पक्षको साझा सहमति बनाएर नतिजामुखी काम गर्न सरोकारवालालाई आग्रह गरे । “यो सडक सङ्घ मातहत रहेको भए पनि जनताको हितका निम्ति हामी सहजीकरण गर्न तयार छौँ”, उनले भने ।
विसं २०१८ सालदेखि २०२३ सालसम्म पाँच वर्ष लगातार श्रमदान गरेर चित्लाङका बासिन्दाले मोटर गुड्नेसम्म बनाएको चित्लाङ चन्द्रागिरि सडक २०७१ सालमा विस्तृत परियोजना प्रतिवेदन तयार गरी स्तरीकरण शुरु गरिएको थियो । डिपिआरमा रु एक अर्ब १३ करोड ३६ लाख बजेट अनुमान गरिएकोमा हालसम्म यो सडकमा रु ४५ करोड खर्च भएको सडक आयोजना कार्यालयका इञ्जिनीयर दीपक याकामीले जानकारी दिएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपचीनको सिमाना जोडिएको कोरला नाका पूर्वाधारको पर्खाइमा
जेठ १३, २०८१ आइतबार
तमोर–मेवा जलविद्युत आयोजनाको काम सुरु
जेठ ११, २०८१ शुक्रबार
गण्डकीमा बहुवर्षीय आयोजनाका लागि १३ अर्बको स्रोत सुनिश्चित
जेठ १०, २०८१ बिहिबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
डीआईजी र एसएसपी सरुवामा गृहमन्त्रीको मनोमानी, ५ महिना नपुग्दै लखेटिए आचार्य
जेठ १७, २०८१ बिहिबार
सन्दीप लामिछानेलाई अमेरिकाले फेरि पनि दिएन भिसा
जेठ १७, २०८१ बिहिबार
तापक्रममा ‘रेकर्ड ब्रेक’ : वर्षकै सबैभन्दा बढी नेपालगञ्जमा ४४.२ डिग्री
जेठ १७, २०८१ बिहिबार
बजेट पारदर्शितामा नेपाल ५८ औं स्थानमा
जेठ १७, २०८१ बिहिबार
मधेस प्रदेश सरकारको बेरुजु एक अर्ब ५९ करोड
जेठ १७, २०८१ बिहिबार
कांग्रेस मात्रै लोकतान्त्रिक पार्टी हो : नेता निधि
जेठ १७, २०८१ बिहिबार
अत्यधिक गर्मीले विभिन्न स्थानका विद्यालयको पठनपाठन प्रभावित
जेठ १७, २०८१ बिहिबार
मधेस प्रदेशमा ‘श्रमाधान रोजगार मेला’ हुँदै
जेठ १७, २०८१ बिहिबार