डेढ करोडको जलपान हो कि मदिरापन ?

१८ साउन, काठमाडौं । नेपाली कांग्रेसका नेता धनराज गुरुङले काठमाडौं महानगरपालिकाको अस्वभाविक खर्चमाथि प्रश्न उठाएका छन् । महानगरपालिकाले जलपानमा डेढ करोड, इन्धनमा १० करोड, सवारी साधन मर्मतमा चार करोड खर्च भएको विवरण सार्वजनिक गरेको छ ।

विकासे कामभन्दा अनावश्यक काममा बढी खर्च गरिएको भन्दै नेता गुरुङले यसलाई अस्वभाविक तर देखाइएको खर्च भनेका हुन् । सामाजिक सञ्जाल ट्वीटरमा प्रश्न गर्दै गुरुङले लेखेका छन, ‘डेढ करोडको जलपान हो कि मदिरापान ? १० करोडको इन्धन गाडीमा हालेको कि कोटको खल्तीमा ? चार करोडको गाडी मर्मत गरेको कि भुँडी मर्मत ?’

नेता गुरुङसँगै काठमाडौं महानगरपालिकाको अस्वभाविक खर्चमाथि धेरैले आलोचना गरेका छन् ।