कोरोना जितेर घर फर्किए अमिताभ बच्चन

१८ साउन काठमाडौं । अभिनेता अमिताभ बच्चन कोरोना जितेर घर फर्किएका छन् । आइतबारको कोराना परीक्षणमा रिपोर्ट नेगेटिभ आएसँगै आफू अस्पतालबाट डिस्चार्ज भएको उनले बताएका छन् ।

सामाजिक सञ्जाल ट्वीटमा ट्वीट गर्दै अमिताभले अस्पतालमा रहदा साथ सहयोग र सुभेच्छा दिने सबैलाई धन्यवाद दिएका छन् । आफ्नो उपचारमा संलग्न स्वास्थ्यकर्मी, आफ्नो लागि प्रार्थना गर्ने समर्थकलगायत सम्पूर्ण अस्पताल प्रशासनलाई उनले आभार व्यक्त गरे ।

अमिताभसँगै छोरा अभिषेक, बुहारी ऐश्वर्या र नातिनी आरोग्यालाई पनि कोरोना संक्रमण देखिएको थियो ।