दोश्रो बजार १४०० माथि बस्न सफल ! टेवा, प्रतिरोध कहाँ ?

१९ साउन, काठमाडाैं । साताको दोश्रो कारोवार दिन आज शेयरबजारमा केही राहत प्राप्त छ । हिजो २ प्रतिशत भन्दा धेरैले घटेको नेप्से परिसुचकमा आज भने ७ दशमलव ५९ अंकको वृद्धि देखिएको छ । शेयरबजार शुन्य दशमवल ५४ प्रतिशतले वृद्धि भएको छ ।

आज १९० कम्पनीको शेयर कारोवार हुँदा १ अर्ब २९ करोडको शेयर कारोवार भएको छ । आज कारोवार रकमको मध्य प्रभु बैंकको मात्र ३४ करोड माथिको संस्थापक शेयर कारोवार भएको छ । प्रभु बैंकको संस्थापक शेयरलाई नलिदाँ पनि कारोवार रकम १ अर्ब भन्दा मुनि रहेको छ। बजार वृद्धि हुँदा कारोवार रकम वृद्धि हुनुलाई सकारात्मक रुपमा लिन सकिन्छ भने आज भने त्यस्तो प्रवृत्ति देखिएको छैन ।

आज बजार १३९५ को विन्दुमा खुलेकोमा ११ बजेर ४७ मिनेटमा १४११ को उच्च विन्दुसम्म पुगेको थियो । त्यस्तै ११ बजेर २० मिनेटमा १३८४ को न्यून विन्दुमा पुगेको थियो।

आज प्रभु बैंकको संस्थापक शेयर सर्वाधिक कारोवार भएको छ । प्रभु बैंकको मात्र ३४ करोड २९ लाख बराबरको संस्थापक शेयर खरिदबिक्री भएको छ । अजोड इन्स्योरेन्सको शेयर मूल्य सर्वाधिक १० प्रतिशतले वृद्धि भएको छ। त्यस्तै दिव्यश्वरी हाईड्रोपावरको शेयर मूल्य सर्वाधिक ६ दशमलव ९० प्रतिशतले घटेको छ।

आज हाइड्रोपावर, फाईनान्स र म्युचअल फण्ड उपसुचकमा मात्र गिरावट आएको छ भने होटल उपसुचकमा सर्वाधिक वृद्धि देखिएको छ।