मापदण्ड पूरा नगर्ने होटल र रेष्टुरेन्ट बन्द !

१९ साउन, काठमाडौं । सरकारले मापदण्डको पालना नगर्ने होटल तथा रेष्टुरेन्ट बन्द गर्ने भएको छ । स्वास्थ्य मन्त्रालयले कोरोना संक्रमण फेरि फैलिएर भयावहकै रुप लिन थालेपछि होटल तथा रेष्टुरेन्टमा कोरोना महामारीबाट बच्ने मापदण्ड पूरा नगरे बन्द गर्ने निर्णय गरेको हो ।

यसअघि सरकारले साउन १५ देखि होटल खोल्ने निर्णय गरेको थियो । सोही अनुसार देशका धेरै ठाउँमा होटल व्यवसायी उत्साहित पनि थिए ।

तर अवस्था झन भयावह हुन थालेपछि सरकारले होटल तथा रेष्टुरेन्टमा कडाई गर्ने निर्णय गरेको हो । होटल तथा रेष्टुरेन्टसँगै सार्वजनिक यातायातलाई पनि सरकारले व्यवस्थित गर्न खोजेको छ ।