नेप्सेकाे समस्या समाधान, कारोबार शुरु

२१ साउन, काठमाडाैं । नेपाल स्टक एक्सचेन्ज ‘नेप्से’को बुधबारको कारोबार केहीबेर अघिदेखि शुरु भएको छ । सर्वरमा प्राविधिक समस्या आएपछि कारोबार भर्खरै मात्र शुरु भएको हो ।

नेटवर्कमा केहि समस्या आएको कारण ११ बजे कारोबार सुरु हुने गरेको कारोबार समयमै हुन नसकेको नेप्सेले जनाएको छ । नेप्सेका अनुसार सर्वर र ब्रोकरको टिएमएसमा कम्युनिकेट नहुँदा नेटर्वकमा समस्या आएको हो ।

आज ११ः४५ बजेदेखि ३ः४५ बजेसम्म सेयर कारोबार हुने भएको छ । नेप्सेका अनुसार नेटवर्किङमा आएको समस्या समाधान भएको छ । अब ११ः४५ बजेबाट कारोबार शुरु हुनेछ ।

यसअघि नेप्सेले प्राविधिक समस्याका कारण नियमित समय ११ बजेबाट शेयर कारोबार हुन नसकेको जानकारी गराएको थियो ।