ओली र प्रचण्डको वार्ता स्थगित

२१ साउन, काठमाडौं । सत्तारुढ नेकपाभित्रको विवाद समाधानका लागि तय गरिएको अध्यक्षद्धय प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीचको वार्ता स्थगित भएको छ । आज बेलूकी ५ बजेका लागि तय गरिएको वार्ता स्थगित गरिएको प्रधानमन्त्रीका प्रेस सल्लाहकार सुर्य थापाले जानकारी दिए ।

हिजोको बैठकअनुसार आज थप छलफलका लागि भेटवार्ता तय गरिएको थियो । तर ओलीले समय व्यस्तता देखाएपछि बैठक स्थगित भएको हो । पछिल्ला बैठकमा ओली प्रचण्डका साथै वरिष्ठ नेता झलनाथ खनाल र संसदीय दलका उपनेता सुवासचन्द्र नेम्वाङ समेत सहभागि थिए ।

तर खनाल र नेम्वाङको सहभागिताले पनि ओली प्रचण्डको वार्ताले सार्थकता पाएन । प्रचण्डले ओलीको राजीनामा अडान नछाड्ने र ओलीले कुनै हालतमा राजीनामा नदिने कारणले नेकपाभित्रको विवाद मिल्न सकेको छैन् ।