गंगालाल अस्पतालका थप १२ जनालाई कोरोना संक्रमण

२१ साउन, काठमाडौं । शहीद गंगालाल राष्ट्रिय ह्दय केन्द्रमा थप १२ जनामा कोरोना संक्रमण पुष्टि भएको छ । यसअघि कोरोना पुष्टि भएका व्यक्तिको सम्पर्कमा आएका व्यक्तिहरुको कन्ट्याक्ट ट्रेसिङ गरी परीक्षण गर्दा थप १२ जनामा कोरोना पुष्टि भएको अस्पताल स्रोतले जनाएको छ ।

संक्रमित हुनेमा स्टाफ नर्सदेखि सरसफाई कर्मचारी र सुरक्षा गार्डसम्म छन्। यसअघि पनि गंगालाल अस्पतालमा बिरामी, नर्स एवं चिकित्सकमा कोरोना देखिएको थियो । काठमाडौंमा कोरोना संक्रमण बढ्दै गएपछि भोलिदेखि जोरविजोर प्रणाली लागु गरिएको छ ।