उद्योग वाणिज्य महासंघको चुनाव गर्न समिति गठन

२१ साउन, काठमाडौं । कोरोनाका कारण स्थगित भएको नेपाल उद्योग वाणिज्य महासंघको चुनावको मोटालिटी तय गर्न समिति गठन भएको छ । बुधबार बसेको महासंघको बैठकले साधारण सभा गर्ने तर कुन मोडालिटीमा चुनाव गर्ने भन्ने विषयमा निर्णय लिन ६ सदस्यीय समिति गठन भएको हो ।

समितिमा कार्यकारिणी सदस्यहरु रञ्जित आचार्य, अरुण सुमार्गी, भरत आचार्य, डीबी बस्नेत, बिनोद ढकाल र सुनिल गोपाल श्रेष्ठ छन्। यो समितिले १५ दिनभित्र साधारणसभा र चुनावको मोडालिटी तयार पार्नेछ।

त्यो मोडालिटीलाई कार्य समितिले पारित गरेर सरकारलाई स्वीकृतीका लागि पठाउने निर्णय भएको छ । यसअघि महासंघले चुनाव स्थगित गर्ने निर्णय गरेपछि वरिष्ठ उपाध्यक्षका उम्मेद्वार किशोर प्रधान र चन्द्र ढकाल समूहले असन्तुष्टि जनाएका थिए ।