वीरगञ्जमा कोरोना संक्रमित पुरुषको मृत्यु

२२ साउन, वीरगञ्ज । पर्साको वीरगञ्जमा कोरोना भाइरसको संक्रमणबाट थप एक व्यक्तिको मृत्यु भएको छ । वीरगञ्जको अस्थायी कोरोना विशेष अस्पतालमा बिहीबार बिहान उनको मृत्यु भएको थियो ।

मृत्यु भएपछि गरिएको परीक्षणमा उनमा कोरोना संक्रमण पुष्टि भएको अस्पतालले जनाएको छ । आदर्शनगरका ५६ वर्षीय पुरुषमा कोरोना पोजेटिभ रिर्पोट पुष्टि भएको हो । मधुमेह र मुटुरोगी उनी श्वास प्रश्वासमा समस्या देखिएपछि उन २२ गते साँझ नारायणी अस्पतालमा भर्ना गरिएको थियो ।

पछि अवस्था गम्भिर बनेपछि उनलाई भेन्टिलेटरमा राखेर उपचार सुरु गरेपनि आज बिहान मृत्यु भएको हो । उनको मृत्युसँगै नेपालमा कोरोना संक्रमणबाट मृत्यु हुनेको संख्या ५७ पुगेको छ ।

यसअघि आज दिउँसो मात्रै काठमाडौंँको चाबहिलमा कोरोना संक्रमणबाट एक महिलाको मृत्यु भएको थियो ।