सूर्य नेपालको नयाँ प्रस्तुति:- त्रिसारा अगरबत्ती नेपाली बजारमा

२२ साउन, काठमाडौं । मंगलदीप अगरबत्तीको बजार लोकप्रियता, विस्तृत बजार अनुसन्धान र ग्राहकहरुसँगको नियमित संवाद तथा चाहनालाई सम्बोधन गर्दै सूर्य नेपाल प्रालिले “मंगलदीप त्रिसारा” नामको नयाँ अगरबत्ती नेपाली बजारमा ल्याएको छ ।

नेपालको औद्योगिक क्षेत्रमा अग्रणी स्थान ओगट्दै आएको सूर्य नेपाल प्रा. लि. को गुणस्तरीय उत्पादन मंगलदीप अगरबत्ती बजारमा ल्याइएको छोटो समयमा नै आम उपभोक्ता माझ निकै नै लोकप्रिय अगरबत्ती बन्न सफल भएको थियो ।

सार्वजनिक नयाँ ब्राण्डको त्रिसारा अगरबत्तीका हरेक काँटीमा ग्राहकहरुले मनमोहक सुगन्धको अनुभव गर्न पाउने दावी कम्पनीले गरेको छ । त्रिसाराको प्रति प्याक मूल्य एक सय रुपैयाँ कायम गरिएको छ र यस अन्तर्गत १८० काँटी जिपलक प्याकमा उपलब्ध हुने कम्पनीले जानकारी दिएको छ । जिपलकले गर्दा काँटीको गुणस्तरियता, सुगन्ध लामो समयसम्म टिक्ने जानकारी कम्पनीले गराएको छ । त्रिसरालाई सुपर सेभर प्याकको रुपमा प्रवद्र्धन गर्ने निर्णय कम्पनीले गरेको छ ।

सूर्य नेपालले विभिन्न स्वदेशी अगरबत्ती उद्योगहरुलाई आफ्नो संस्थागत सामाजिक दायित्व अन्तर्गत मंगलदीप अगरबत्ती बनाउन दिई सोको बजार प्रबर्धन तथा बिक्री गरि ती उद्योगहरुलाई दिगो एवं सक्षम बन्न मद्दत गरिराखेको छ । मंगलदीप अगरबत्तीले हाल राष्ट्रको अगरबत्तीमा व्याप्त परनिर्भरता कम गरि देशको राजश्व बृद्धि गर्न तथा अवैध रुपमा हुने अगरबत्ती आयात रोक्न समेत केही हदसम्म सफल भएको छ ।

नेपालको सांस्कृतिक परिवेशमा अगरबत्तीले एकदमै महत्व राख्ने हुनाले यसको बजार सम्भाव्यता स्वदेशमै पर्याप्त छ भने विदेशमा पनि यसको माग ठूलो छ । सूर्य नेपालले तीर सलाई तथा टफिचु कन्फेक्सनरी जस्ता उच्च गुणस्तरका उत्पादनहरुमार्फत युवा रोजगार तथा महिला सशक्तिकरणमा अग्रणी भूमिका निभाइरहेको छ भने सोको बिक्री वितरण गरि आफ्ना ग्राहकहरुलाई सन्तुष्टी प्रदान गर्दै आइरहेको छ ।