अभिनेता अभिषेक बच्चन कोरोना मुक्त

२५ साउन, एजेन्सी । भारतीय अभिनेता अभिषेक बच्चन अस्पतालबाट डिस्चार्ज भएका छन् । पछिल्लो कोभिड–१९ को रिपोर्ट नेगेटिभ आएपछि उनी डिस्चार्ज भएका हुन् । अभिषेकले सामाजिक सञ्जालमार्फत कोरोना रिपोर्ट नगेटिभ आएको बताएका छन् ।

अभिनेता अभिषेकसँगै परिवारका सदस्य अमिताभ बच्चन, ऐश्वर्या राय बच्चन र आरध्यामा कोरोना संक्रमण भएको थियो । गत अगस्त २ मा अमिताभले पनि कोरोना जितेर घर फर्किएका थिए । यसअघि नै कोभिड–१९ निको भएर ऐश्वर्या र आरध्या घर फर्किसकेका छन् ।