अन्तिम समयमा लगानीकर्ता सकारात्मक हुँदा प्राविधिक विश्लेषणले के देखायो ?

२५ साउन, काठमाडाैं । शेयरबजार सुरु हुँदा निकै आत्तिएका लगानीकर्ताहरु बजार बन्द हुने बेला भने निकै सकारात्म्नक हुँदै खरिद गरेको मनोविज्ञान आजको बजारले देखाएको छ । दोश्रो बजार परिसूचक नेप्से ११ दशमलव ३० अंकको वृद्धि हुँदै १३९२ दशमलव ६८ को विन्दुमा बन्द भएको छ ।

शेयरबजार शुन्य दशमवल ८२ प्रतिशतले वृद्धि भएको छ । आज १८७ कम्पनीको शेयर कारोवार हुँदा ९७ करोड ७८ लाखको शेयर कारोवार भएको छ । बजार खुल्ने वित्तिकै निरन्तर घटेको थियो । ११ बजेर २८ मिनेटमा बजार १३६३ को न्यून विन्दुसम्म पुगेको थियो भने बजार बन्द हुँदा उच्च विन्दु बनाएर बन्द भएको थियो । आजको बजार इण्ट्राडे हाईमा बन्द भएको छ । यसले लगानीकर्ताको मनोविज्ञान बलियो भएको देखिन्छ।

आज अजोड इन्स्योरेन्सको शेयर सर्वाधिक कारोवार भएको छ। अजोड इन्स्योरेन्सको ९ करोड २१ लाख बराबरको शेयर खरिदबिक्री भएको छ । अजोड इन्स्योरेन्स, साधना लघुवित्त, नेपाल बैंक, एनएमबी ५० र एनआईबीएल सम्वृद्धि फण्ड १ सर्वाधिक कमाउने ५ शेयर हुन भने सर्वाधिक गुमाउने ५ कम्पनीमा गणपति माईक्रोफाईनान्स, आरम्भ चौतारी लघुवित्त, युनियन हाईड्रोपावर, हिमालयन पावर र आईएफसी फाईनान्स रहेका छन्।

बजारलाई ड्राईभ गर्ने वाणिज्य बैंक उपसुचकमा वृद्धि देखिएको छ । आज होटल उपसुचकमा मात्र गिरावट देखिएको छ ।

प्राविधिक बिश्लेषण :

प्रतिरोध २ः १४२० प्रतिरोध १ः १४०५  टेवा १ः १३६५  टेवा २ः १३५०

✍आजको कारोबारको पहिलो समयमा बजार केही घटेपनि पछिल्लो समयमा बजार बढेको थियो। आजको बजार प्रवृत्तिले हतौडा मैनबत्तीको चित्र बनाएको देखिन्छ।

✍ यसले बजारमा विक्रेता कमजोर हुँदै गएको जानकारी गराएको छ । दैनिकी अवधिमा “आरएसआई” ४९ दशमलब ७७ को बिन्दुमा छ। यसको प्रवृत्तिले बजार हालसम्म सामान्य रहेको जानकारी दिएको छ।

✍“एडीएक्स” र जोड / बिजोड “डाइरेक्सनल इन्डेक्स”हरुले बजारमा बिक्रेताको चाप रहेको जानकारी दिएको छ।

✍“अन ब्यालेन्स भल्यूम” ले क्रेताको चाप हुन थालेको जानकारी दिएको छ।

✍ नेप्से बढेमा पहिलो प्रतिरोध १४०५ को क्षेत्रमा पाउने देखिन्छ र घटेमा पहिलो टेवा १३६५ को क्षेत्रमा पाउने देखिन्छ।