आइसोलेसनमा विष्णु पौडेल, सुरक्षागार्डलाई कोरोना

२५ साउन, काठमाडौं । नेपाल कम्युनिस्ट पार्टी नेकपाका महासचिव विष्णु पौडेल आइसोलेसनमा बसेका छन् । सुरक्षागार्डलाई कोरोना संक्रमण पुष्टि भएपछि पौडेल आइसोलेसनमा बसेका हुन् ।

गार्डलाई कोरोना देखिएपछि उनलाई पनि संक्रमण भएको हुन सक्ने अनुमान गरिएको छ । यद्यपी उनको रिर्पोट आउन बाँकी छ । उनका सुरक्षागार्डलाई भने अस्पताल भर्ना गरिएको छ ।

विष्णु पौडेलसँगै नेकपाका अध्यक्ष प्रचण्ड र प्रधानमन्त्री केपी शर्मा ओलीलाई फेरि कोरोनाको आशंका छ । दुई दिनअघि मात्रै दुई अध्यक्षसँग उनले भेटवार्ता गरेका थिए ।

यस्तै प्रदेश ५ का मुख्यमन्त्री शंकर पोखरेललाई पनि कोरोनाको आशंका गरिएको छ । पौडेल र पोखरेल दुवै जना प्रचण्डलाई भेट्न पुगेका थिए ।