लामो दुरीका गाडी र हवाई उडान भदौ १५ देखि मात्रै खुल्ने

२५ साउन, काठमाडौं । कोरोना संक्रमणको जोखिम थप बढेपछि सरकारले हवाई उडान र लामो दुरीका गाडी भदौ १५ देखि मात्रै सञ्चालन गर्ने भएको छ । पछिल्लो समय दैनिक संक्रमितको सख्या बढ्नुका साथै रोकथाममा चुनौति थपिएपछि सरकारले भदौ १५ देखि मात्रै हवाई उडान र लामो दुरीका गाडी खोल्ने निर्णय गरेको हो ।

आइतबार बसेको कोभिड कोभिड—१९ क्राइसिस म्यानेजमेन्ट सेन्टर सिसिएमसीको बैठकले यसअघिको निर्णय पुनर्विचार गर्न सुझाव दिने निर्णय गरेको हो । यसअघि मन्त्रिपरिषद बैठकले भदौ १ गतेदेखि लामो दुरीका गाडी र हवाई उडान सञ्चालन गर्ने निर्णय गरेको थियो ।