नाम परिवर्तन भएर बन्यो सपोर्ट वित्तीय संस्था

२६ साउन, काठमाडाैं । साविकको सपोर्ट माइक्रोफाइनान्स वित्तीय संस्था लिमिटेडको नाम परिवर्तन भएको छ । उक्त वित्तीय संस्थाको गत मिति २०७५/१२/२३मा सम्पन्न भएको वार्षिक साधारण सभाले नाम परिवर्तन गर्ने निर्णय गरेको थियो । त्यस पछि नेपाल राष्ट्र बैंकले मिति २०७६/१२/०६मा स्वीकृती दिएको थियो । कम्पनी रजिष्ट्रारको कार्यालयले पनि मिति २०७७/३/२६ गते नाम परिवर्तन गर्न स्वीकृती दिएको थियो ।

नाम परिवर्तन भएपछि सपोर्ट लघुवित्त वित्तीय संस्था लिमिटेडको नामबाट कारोबार हुने भएको छ । माइक्रोफाइनान्स वित्तीय संस्थाको चल, अचल सम्पत्ति तथा तिर्नु व्यहोर्नु पर्ने दायित्व, पत्राचार ठेगाना आदि सबै अब लघुवित्त वित्तीय संस्थाको नामबाट हुने प्रमुख कार्यकारी अधिकृत कुलमणी मिम्सीनाले नपालवहसलाई जानकारी दिए ।