कर्णालीमा कोरोना संक्रमितको संख्या २ हजार नाघ्यो

२६ साउन, सुर्खेत । कर्णाली प्रदेशमा थप २४ जनामा कोरोना संक्रमण देखिएको छ । यससँगै कर्णालीमा कोरोना संक्रमितको संख्या दुई हजार ३ पुगेको छ । सुर्खेतस्थित प्रदेश अस्पताल, पशुपन्छी रोग अन्वेषण प्रयोगशाला र दैलेख अस्पताल प्रयोगशालामा गरिएको परीक्षणबाट सोमबार थप २४ जनामा संक्रमण पुष्टि भएको हो ।

थपिएका संक्रमितमध्ये दैलेखका १७ जना, सल्यानका ६ जना र सुर्खेतका एकजना छन । यस्तै प्रदेशमा डिस्चार्ज हुनेको संख्या १८८० पुगेको स्वास्थ्य सेवा महाशाखाले जनाएको छ । कर्णालीमा हालसम्म ६ जनाको मृत्यु भएको छ भने ११७ जना आइसोलेसनमा छन् ।