आजको करेक्सनमा लगानीकर्ता कत्तिको आत्तिएका छन् ?

२६ साउन, काठमाडाैं । शेयरबजारमा आज भने करेक्सन देखिएको छ । आज नेप्से परिसूचक शुन्य दशमवल ४६ प्रतिशतले घटेर १४२३ दशमलव ८१ को विन्दुमा बन्द भएको छ । नेप्से परिसूचक ६ दशमलव ६१ अंकले घट्दा १ अर्ब २७ करोडको शेयर कारोवार भएको छ । कारोवार रकम भने घटेको छ । बजारमा करेक्सन हुँदा कारोवार रकम घट्नु भनेको बिक्रीकर्ता हावी भएपनि प्यानिक कम भएको बुझ्न सकिन्छ। 

आज बजार १४३३ को विन्दुमा खुलेकोमा बजारले ११ बजेर ७ मिनेटमा १४४१ को उच्च विन्दुसम्म पुगेको थियो । आज बजारले न्यून विन्दु २ बजे छोएको थियो । बजारको न्यून विन्दु १४२१ रहेको थियो ।

आज नेपाल पुनर्बीमा कम्पनीको शेयर सर्वाधिक कारोवार भएको छ। नेपाल पुनर्बीमा कम्पनीको १२ करोड १६ लाख बराबरको शेयर खरिदबिक्री भएको छ ।

अजोड इन्स्योरेन्स, साधना लघुवित्त, युनियन हाईड्रोपावर, युनाईटेड इन्स्योरेन्स र बेस्ट फाईनान्स सर्वाधिक कमाउने ५ कम्पनी हुन भने सर्वाधिक गुमाउने ५ कम्पनीमा नेपाल फाईनान्स, कालिका लघुवित्त, गुराँस लघुवित्त, नेपाल सेवा लघुवित्त र कर्णाली डेभलप्मेण्ट बैंक रहेका छन्।

आज म्युचअल फण्ड उपसुचकमा मात्र वृद्धि देखिएको छ। अन्य सबै उपसुचकमा गिरावट आएको छ ।

प्राविधिक बिश्लेषण :

प्रतिरोध २ः १५०० । प्रतिरोध १ः १४८० । टेवा १ः १४०० । टेवा २ः १३६२

✍ आज शेयरबजार खुलेदेखि केही समय बजार बढेर त्यसपश्चात घट्दो प्रवृत्तिमा रहेको देखिन्छ । आजको बजारले बियरिस मैनबत्तीको चित्र बनाएको छ । तर आजको मैनबत्तीले बजारमा तत्काल लगानीकर्ताले कुनै पक्षमा निर्णय लिन नसकेको देखाउँछ र हिजोको बढाइको करेक्सन भएको बुझ्न सकिन्छ।

✍ दैनिकी अवधिमा “आरएसआई” ५४ दशमलब ६७ को बिन्दुमा छ । ५० अंकभन्दा माथि रहेको आरएसआईले बजारप्रति सकारात्मक नै संकेत गरेको छ।

✍ “एडीएक्स” र जोड / बिजोड “डाइरेक्सनल इन्डेक्स”हरुले भने बजारको गति खासै मज्बुत नभएको जानकारी दिएको छ।

✍ “अन ब्यालेन्स भल्यूम” ले चाहि क्रेताको चाप हुन थालेको जानकारी दिएको छ ।

✍ नेप्से बढेमा पहिलो प्रतिरोध १४८० को क्षेत्रमा पाउने देखिन्छ र घटेमा पहिलो टेवा १४०० को क्षेत्रमा पाउने देखिन्छ।