नाफा कमाउने दाउमा भएको आक्रामक लगानीले बजारमा उत्साह थप्दै

२८ साउन, काठमाडौं । आर्थिक वर्षको अन्त्यसँगै नेप्सेमा सुचीकृत संस्थाहरूले वित्तीय विवरण प्रकाशन गर्न थालेपछि लगानीकर्ताहरु नाफा बुक गर्न लागि परेका छन् । एकथरी लगानीकर्ताहरु नाफा बुक गर्ने सोचमा बजारमा पसिरहेका छन् भने अर्काथरी लगानीकर्ताहरु बढ्दो बजारमा थोरै थोरै नाफ बुक गर्दै बाहिरने तयारी गरिरहेको देखिन्छ । किनकि उनीहरु बजार घटाएर हैन बजार बढाएर बजारबाट बाहिरने दाउमा छन् ।

त्यसैको परिणाम स्वरुप बुधबार कारोबार खुलेको केहीसमय उकालो लय समातेको बजारले पाँच मिनेट नपुग्दै तिब्र गतिमा ओह्रालो यात्रा तय गर्यो । बजार १४२७ बिन्दू पुगेको बजार ११ः३३ बजे १४१३ बिन्दूमा आइपुग्यो । तर विस्तारै बजारमा खरिदकर्ताको चाप बढेपछि बजार सम्हालिँदै उकालो लाग्यो र अन्त्यमा नेप्से १.५१ अंकले बढेर १ हजार ४ सय २५ विन्दुमा बन्द भएको छ ।

अधिक शेयर काराेबार भएका कम्पनीहरू:

आज १८८ वटा कम्पनीको ३० लाख ३२ हजार कित्ता शेयर ९५ करोड १९ लाख रुपैयाँमा खरिदबिक्री भएको छ । कारोबारमा आएकामध्ये ४५ वटाको शेयर मूल्य बढेको छ भने ८५ वटाको घटेको छ। त्यस्तै १८ वटा कम्पनीको स्थिर रहेको छ। आजको कारोबारमा ६ समुहको सूचक उकालो लागेको छ । लगानीकर्ताहरु बैंक, बीमा र लघुवित्तका शेयरमा बढी आकर्षित छन्। । सबैभन्दा धेरै निर्जीवन बीमा समूह ३९.०८ अंकले बढेको छ । वाणिज्य बैंक समूहको सूचक ३.८१ विन्दुले माथि लागेको छ । कारोबारमा साधना लघुवित्त र घलेम्दी हाइड्रोपावरको शेयर मूल्य ९ प्रतिशतभन्दा बढीले बढेको छ । आइएमई जनरल इन्स्योरेन्स, युनाइटेड इन्स्योरेन्स, नेपाल बंलादेश बैंक, युनाइटेड फाइनान्स लगायतको शेयर मूल्य बढेको छ ।

नाफा कमाउने कम्पनीहरू :

युनियन हाइड्रोपावरको शेयरमूल्य सबैभन्दा धेरै ६.५ प्रतिशतले घटेको छ । आँखु खोला हाइड्रोपावर, नेपाल फाइनान्स, गुँरास लघुवित्त तथा पोखरा फाइनान्स लगायतको शेयरमूल्य घटेको छ । सबैभन्दा बढी शेयर कारोबार युनाइटेड इन्स्योरेन्सको भएको छ । कम्पनीको ६ करोड १६ लाख ६० हजारको शेयर कारोबार किनबेच भयो ।

नेपाल पुर्नबीमा कम्पनीको ६ करोड ३ लाख, नेपाल लाइफ इन्स्योरेन्सको ४ करोड ७८ लाख रुपैयाँ बराबरको शेयर कारोबार भएको छ । नेपाल पुनर्बीमा कम्पनीको ६ करोड ३ लाख नेपाल लाइफ इन्स्योरेन्सको ४ करोड ७८ लाख, एनआइसी एशिया बैंकको ३ करोड ८७ लाख रुपैयाँ, अजोड इन्स्योरेन्सको ३ करोड २७ लाख रुपैयाँ र प्रभु इन्स्योरेन्सको ३ करोड ६ लाख रुपैयाँ बराबरको शेयर कारोबार भएको छ।

घाटा व्यर्हाेर्ने कम्पनीहरू :