सुनको मूल्य पुनः उकालो लाग्याे

२९ साउन, काठमाडौं । सुनको मूल्य पुनः उकालो लागेकाे छ ।  बुधबार एकै दिन तोलामा ६२ सय रुपैयाँ कम भएको सुनको मूल्य बिहीबार फेरि उकालो लागेकाे हाे ।

बिहीबार सुनको मूल्य तोलामा २३ सय रुपैयाँले बढेर ९७ हजार ८ सयमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै तेजावी सुनको मूल्य पनि बढेको छ । बुधबारको तुलनामा तोलामा २४ सय रुपैयाँ बढेर तेजाबी सुन बिहीबार ९७ हजार तीन सय रुपैयाँमा कारोबार भइरहेको छ । यस्तै चाँदीको मूल्य तोलाको १२ सय ९५ रहेको छ ।