एनएलजी इन्स्योरेन्सको लिलाम सकार्ने आज अन्तिम दिन

२४ साउन, काठमाडौं । एनएलजी इन्स्योरेन्स कम्पनी लिमिटेडको लिलाम सकार्ने आज अन्तिम दिन हो । इन्स्योरेन्सले संस्थापक समूहको ८१ हजार २२४.७५ कित्ता र सर्वसाधारण समूहको ७९ हजार ८५३.२५ कित्ता शेयर लिलामीमा बिक्री खुला गरेको हो । कुल १ लाख ६१ हजार ७८ कित्ता शेयर लिलामी भर्न कम्पनीले साउन २२ गतेबाट आवेदन खुल्ला गरेको थियो ।

लगानीकर्ताले न्यूनतम १०० रुपैयाँलाई आधार मानेर त्यसभन्दा बढी भाउ तोकी बोलकबोल माध्यमबाट न्यूनतम १०० कित्ताको लागि आवेदन दिनुपर्नेछ । यसअघि एनएलजीले असार ९ गतेबाट २५ गतेसम्म १०० रुपैयाँ अंकित मूल्यको ३८ लाख ४२ हजार ४३७.५० कित्ता हकप्रद शेयर बिक्री खुला गरेको थियो ।

त्यस समयभित्र आवश्यकता अनुसार हकप्रद शेयर नबिकेपछि बाँकी रहेको शेयर अहिले लिलामीमा ल्याइएको हो । यसमा बिक्री प्रबन्धक लक्ष्मी क्यापिटल मार्केट नयाँ बानेश्वर काठमाडौं र एनएलजी इन्सुरेन्सको केन्द्रीय कार्यालय लाजीम्पाट काठमाडौंबाट पनि ओदन दिन सकिनेछ ।

त्यसैगरी, लक्ष्मी बैंकको बिर्तामोड, जनकपुर, विराटनगर, नारायणगढ, हेटौंडा, बुटवल, पोखरा, वीरगञ्ज, बाग्लुङ, दाङ (घोराही), सुर्खेत, नेपालगञ्ज, धनगढी र महेन्द्रनगर शाखाबाट आवेदन दिन सकिनेछ । कोरोना महामारिबा बीच पनि उल्लेख्य मात्रामा लिलाम सकार्नका लागि फर्म माग भएको लक्ष्मी क्यापिटलले जनाएको छ । क्यापिटलले अपरान्ह ४ बजे सम्म आएका आवेदनलाई स्वीकार गर्ने जनाएको छ । त्यस पछि भने कुनै पनि आवेदन नलिने लक्ष्मी क्यापिटलले जानकारी दिएको छ ।