ओली-प्रचण्डबीच बालुवाटारमा वार्ता शुरु

३० साउन, काठमाडौं । झण्डै पाँच महिनादेखि बल्झिएको सत्तारुढ नेकपाको विवाद मिलाउन अध्यक्षद्धय प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीचको वार्ता बालुवाटारमा शुरु भएको छ । यसअघि हिजो पनि उनीहरुबीच कुराकानी भएको थियो । सोही अनुरुप आज पनि छलफल शुरु भएको हो ।

दुई नेताबीचको विवाद समाधानका लागि नयाँ कार्यदल बनाउने तयारी छ । तर यस विषयमा प्रचण्ड पक्षले सहमति जनाइसकेको छैन् । यसअघि प्रचण्डले ओलीसँगको वार्ताका लागि वरिष्ठ नेता माधवकुमार नेपाल, प्रवक्ता नारायणकाजी श्रेष्ठसँग छलफल गरेका थिए ।