लिखु तामाकोशी गाउँपालिकाका अध्यक्ष पक्राउ

३० साउन, काठमाडौं । एक जनालाई बन्धक बनाएको आरोपमा रामेछापको लिखु तामाकोशी गाउँपालिकाका अध्यक्ष गोविन्द खड्कालाई प्रहरीले पक्राउ गरेको छ । अपहरण तथा शरीर बन्धक सम्बन्धी कसुर गरेको आरोपमा प्रहरीले उनलाई पक्राउ गरेको हो ।

उपभोक्ता समितिका दर्पण घिसिङलाई बन्धक बनाएर चेकमा सही गर्न लगाएको भन्दै उजुरी परेपछि गाउँपालिका अध्यक्ष खड्कालाई पक्राउ गरिएको प्रहरीले जनाएको छ । खड्का तत्कालीन एमालेबाट गाउँपालिका अध्यक्षमा निर्वाचित भएका हुन् ।