मर्जर तथा एक्विजिशनका लागि नयाँ निर्देशिका आउँदै, धितोपत्र बोर्डलाई भदौ ५ सम्म सुझाव दिन सकिने

३२ साउन, काठमाडौं । मर्जर तथा एक्विजिशनमा जाने सूचीकृत कम्पनीहरूले धितोपत्र बोर्डको स्वीकृतिपछि मात्र आवश्यक प्रक्रियाहरु चाल्नुपर्ने व्यवस्थासहितको मस्यौदा तयार गरेको छ ।

बोर्डले सूचीकृत संगठित संस्था एकआपसमा गाभ्ने, गाभिने तथा प्राप्ति सम्बन्धी निर्देशिका, २०७७ को मस्यौदा तयार पारी आवश्यक सुझाव, सल्लाह माग गरेको छ । उक्त मस्यौदामा भदौ पाँच गते भित्र सुझाव दिन बोर्डले अनुरोध गरेको छ।

बोर्डले मस्यौदा गरेको निर्देशिकामा एक आपसमा गाभ्ने गाभिने सूचीकृत संस्थाले अब बोर्डको पूर्व स्वीकृति लिनुपर्ने छ। बोर्डले स्वीकृति दिए मात्रै सूचीकृत संस्थाहरू एक आपसमा गाभ्न गाभिन सक्नेछन् । गाभ्ने गाभिने संस्थाहरूको शेयर अब दोस्रो बजारमा बन्द गर्नुपर्ने व्यवस्था भने मस्यौदामा राखिएको छैन ।

गाभ्ने गाभिने संस्थाले साधारण सभामा स्वीकृत गरे लगत्तै दोस्रो बजारमा दुवै कम्पनीको शेयर कारोबार गर्न सकिने छ। तर कारोबार गर्नु पूर्व स्वाप रेसियो अनुसार मूल्य समायोजन भने गर्नुपर्ने छ । समायोजित मूल्यमा दोस्रो बजारमा कारोबार गर्न सक्नेछन् ।

धितोपत्र बोर्डका कार्यकारी निर्देशक एवं सुचना अधिकारी निरज गिरीले मस्यौदामा राय, सल्लाह, सुझावपछि परिमार्जन गर्नुपर्ने अवस्था आएमा परिमार्जन गरेर स्वीकृत भएपछि कार्यान्वयनमा आउने नेपालबहस डटकमलाई बताए ।

हेर्नुहाेस् बाेर्डले जारी गर्न लागेकाे निर्देशिका :