नागरिक लगानी कोषले हकप्रद शेयर जारी गर्ने

१ भदौ, काठमाडौं । नागरिक लगानी कोषले १००ः८२ अनुपातमा हकप्रद शेयर निष्काशन गर्ने भएको छ । हकप्रद निष्काशनका लागि बिक्री प्रबन्धक आरबीबी मर्चेन्ट बैकिङ लिमिटेडसँग लगानी कोषले सम्झौता गरेको छ ।

कोषका तर्फबाट कार्यकारी निर्देशक रमण नेपाल र आरबीबी मर्चेन्टका तर्फबाट प्रमुख कार्यकारी अधिकृत बद्रीप्रसाद प्याकुरेलले सम्झौता–पत्रमा हस्ताक्षर गरेका छन् ।

कोषले प्रतिशेयर एक सय रुपैयाँ अंकित मूल्यको शेयर जारी गर्ने तयारी गरेको हो । संस्थाले १ अर्ब ३५ करोड ९२ लाख ५९ हजार २ सय रुपैयाँ बराबरको १ करोड ३५ लाख ९२ हजार ५९२ कित्ता हकप्रद जारी गर्न लागेको छ ।