कोरोना महामारी नियन्त्रणमा सरकारलाई नबिल बैंकको साथ, राहत कोषमा ६ करोड ५५ लाखको नगद योगदान

१ भदौ, काठमाडौं । नेपालको न. १ बाणिज्य बैंकको रुपमा नाम लिइने नविल बैंकले कोरोना महामारी नियन्त्रणका लागि नेपाल सरकारलाई ६ करोड ५५ लाख सहयोग गरेको छ । गत आर्थिक बर्षमा ५५ लाख सहयोग गरेको नविलले चालु आर्थिक बर्षको शुरु मै कोरोना महामारी नियन्त्रणका लागि सरकारले बनाएको राहत कोषमा ६ करोडको नगद धनराशी सहयोग गरेको हो ।

बाणिज्य बैंक मध्ये सम्भवत यो नै अहिलेसम्मको सबैभन्दा ठूलो धनराशी हो । बैंकले बिगतदेखि नै सरकारी कोषमा नगद जम्मा गर्नेदेखि लिएर पीसीआर मेसिन किन्न समेत सहयोग गर्दै आएको छ ।

हिजो मात्र बैंकका सञ्चालक तथा संस्थागत सामाजिक उत्तरदायित्व समितिका संयोजक निर्वाण चौधरी र प्रमुख कार्यकारी अधिकृत(सीईओ) अनिलकेशरी शाहले संयुक्त रुपमा ६ करोडको चेक अर्थमन्त्री डा. युवराज खतिवडालाई हस्तान्तरण गरेका छन् ।

यस रकमको सदुपयोगिताले कोरोना रोकथाम र उपचारमा ठूलै सहयोग हुने अपेक्षा बैंकले गरेको छ । उक्त रकम कोरोना राहत कोषमा निजी क्षेत्रको बैकिङबाट गरिएको सबैभन्दा ठूलो सहयोग रकम भएको दावी बैंकले गरेको छ ।

चेक हस्तान्तरण पश्चात सीईओ शाहले भने, ‘नबिल बैंकले नेपालमा कोरोना भाइरस महामारीका प्रभावहरू विरुद्ध लड्न नेपाल सरकारको प्रयासमा योगदान पु¥याउन पाउनु ठूलो सम्मान हो ।’ ‘बैंकको संस्थागत सामाजिक उत्तरदायित्व कोष नेपालभरि आफ्ना ग्राहकहरूलाई बैंकिङ सेवाहरू प्रदान गर्ने नविल बैंकका कर्मचारीहरूको प्रयासबाट उत्पन्न भएको हो र यो अनुदान प्रत्येक नविलियनको समर्पणको परिणाम हो’ सीईओ शाहले भने ।

नबिलले यस अघि कर्णाली प्रदेश सरकारलाई पीसीआर परीक्षण गर्ने मेसिन खरिद गर्नका लागि २८ लाख २५ हजार रुपैयाँ सहयोग गरेको थियो । कोरोना भाइरस नियन्त्रणका लागि संस्थागत रुपमा मात्र नभएर बैंक सञ्चालक समिति सदस्य तथा कर्मचारीहरुले समेत २६ लाख २८ हजार ८ सय ६७ रुपैयाँ यसअघि नै सरकारलाई हस्तान्तरण गथरिसकेका छन् ।