ज्योति विकास बैंककाे डेविट कार्ड बोक्नेलाई २० प्रतिशत छुट

२ भदौ, काठमाडौं । ज्योति विकास बैंक र सूर्या हेल्थ केयरबीच बैंकका ग्राहकहरुलाई विशेष छुट प्रदान गर्नेगरि सम्झौता भएको छ। सो सम्झौता अन्तर्गत ज्योति विकास बैंकको डेविट कार्ड भएका ग्राहकहरुले सूर्या हेल्थ केयरको सम्पूर्ण प्याथोलोजी सेवामा २० प्रतिशत छुट पाउनेछन् ।

सम्झौता पत्रमा ज्योति विकास बैंकको तर्फबाट बैंकका प्रमुख कार्यकारी अधिकृत श्रीचन्द्र भट्ट तथा सूर्या हेल्थ केयरका तर्फबाट संस्थाका ल्याब मेनेजर प्रमोदकुमार यादवले हस्ताक्षर गरेका थिए । काठमाडौंको लाजिम्पाटस्थित सूर्या हेल्थ केयरमा ज्योति विकास बैंकका ग्राहकले प्याथोलोजी सेवामा बैंकको डेविट कार्ड प्रस्तुत गर्ने बित्तिकै थप २० प्रतिशत छुट पाउनेछन् ।

बैंकका देशभर रहेका ग्राहकले सूर्या हेल्थ केयरमा सो छुट सेवाको लाभ लिन सक्नेछन् । हाल ज्योति विकास बैंकले १०५ शाखा कार्यालय, १ एक्सटेन्सन काउन्टर तथा ६१ वटा एटीएममार्फत सेवा उपलव्ध गराउँदै आईरहेको छ । हालसम्म बैंकले ३ लाख भन्दा बढी खाताबाट करिब रु. ३७ अर्ब निक्षेप संकलन गरी २० हजारभन्दा बढी ऋणीलाई करिब रु. ३१ अर्व लगानी गर्न सफल भएको सूचना अधिकारी रामहरि आचार्यले जानकारी दिए ।