राष्ट्र बैंकको सकुर्लरमा दोहोरो निर्देशन, कतै नाफा हुने शाखा मात्रै त खुल्दैन ?

३ भदाै, काठमाडौं । नेपाल राष्ट्र बैंकको बैंक तथा वित्तीय संस्था नियमन विभागले एक सूचना जारी गर्दै इजाजत प्राप्त सबै बैंक तथा वित्तीय संस्थाहरुलाई विद्युतिय कारोबार बढाउन अनुरोध गरेको छ ।

एटीएममा प्रशस्त पैसा राख्न भनेको छ । अत्यावश्यक वस्तुको आपुर्ति सुनिश्चित गर्न आवश्यक व्यवस्था मिलाउन भनेको छ । त्यस्तै बैंकका ढोका ढोकामा शाखा खुल्ने विवरणहरु टाँस्न र अनलाईनमा अद्यावधिक गर्न पनि भनेको छ ।

त्यस्तै निर्णय नं. ४ मा भने उल्लेखित विषयहरुलाई नै काट्ने गरी स्थानीय प्रशासनको समन्वयमा संभाव भएसम्म निश्चत समयका लागि शाखा खोली आधारभूत कारोबार व्यवस्था मिलाउन भनेको छ । शहर वा गाउँ प्रायः सबै ठाउँमा बैंक पुगेका छन् । यदि स्थानीय प्रशासनले अनुमति दिएको खण्डमा सबै बैंक तथा वित्तीय संस्थाका शाखाहरु खुल्न सक्ने भए ।

सकेसम्म बैक नखोल्नु भन्ने निर्णय र स्थानीय प्रशासनको अनुमति लिएर खोल्न सकिने भन्ने विषयका कारण संचालनमा रहेका बैंकहरुलाई दोधार पर्ने भएको छ । बैंकहरुको शाखा रहेको स्थान र व्यापारको अवस्था हेरेर अब बैंकहरुले ग्राहकको सेवाको लागि भन्दा पनि नाफाको लागि शाखाहरु खोल्न सक्ने देखिएको छ । यसले गर्दा बेंकिङ्ग सेवा लिनेहरुका लागि भने सहज नहुने परिस्थिति बनेको छ ।