नायिका पूजा शर्मा र पत्रकार प्रकाश सुवेदीको विवाद मिल्यो

४ भदौ, काठमाडौं । पछिल्लो समय निकै विवादित बनेका नायिका पूजा शर्मा र प्रकाश सुवेदीबीच मिलापत्र भएको छ । एपीवान टेलिभिजनका अध्यक्ष क्याप्टेन रामेश्वर थापाको पहलमा दुवैबीचको झगडा मिलापत्रमा टुंगिएको हो ।

दुई जनाबीचको विवाद मिलाउन चलचित्र कलाकार सक्रिए भएका थिए । बिहीबार एपीवान टेलिभिजनकै कार्यालयमा दुई जनाबीच मिलापत्र भएको हो । यसअघि आफूमाथि अपशब्द बोलेको भन्दै पूजाले पत्रकार प्रकाशविरुद्ध उजुरी दिएकी थिइन् ।

पछि प्रकाश सुवेदीले टेलिभिजनमै गएर माफी समेत मागेका थिए । तर माफीले पुगेन भन्दै पूजा आक्रोशित थिइन् । पछि पूजाकै पक्षमा कलाकार आबद्ध ७ वटा संघ संस्थाले विज्ञप्ती निकालेका थिए । यसपछि झन बढी विवाद सिर्जना भएको थियो ।