मन्त्रिपरिषदको आकस्मिक बैठक बस्दै

४ भदौ, काठमाडौं । मन्त्रिपरिषदको आकस्मिक बैठक बोलाइएको छ । कोरोना महामारीका बारेमा छलफल तथा निर्णय गर्न मन्त्रिपरिषद बैठक बोलाइएको एक मन्त्रीले जानकारी दिएका छन् । बेलूकी ५ बजे बस्ने बैठकले निषेधाज्ञा तथा लकडाउनको थप मोडलबारे प्रस्ताव ल्याउन सीसीएमसीलाई निर्देशन दिएको छ ।

सीसीएमसीले भने देशब्यापी बन्दाबन्दी नगर्ने, तर संक्रमणको जोखिम रहेको स्थान पहिचान गरी निषेधाज्ञादेखि कर्फ्यूसम्म जारी गरिने निर्णय गरेको छ। राजधानी उपत्यकाका तीन जिल्ला सहित देशभरका ४० जिल्लामा अहिले नै आंशिक र पूर्ण गरी निषेधाज्ञा जारी गरिएको छ।

गएको ७ साउनदेखि बन्दाबन्दी अन्त्य भएपछि संक्रमण बढेको छ। अहिलेसम्म २८ हजार ९३८ जनामा संक्रमण पुष्टि भएको छ भने १२० जनाको मृत्यु भएको छ।