धर्म गुरुको हत्यारालाई कडा कारवाही गर्न राप्रयुसंको माग

४ भदौ, काठमाडौं । रौतहट जिल्ला, माधवनारायण नगरपालिका वडा नं. २ खेसरहीया स्थित श्री हनुमान मन्दिरका पुजारी श्रीराम साहको अज्ञात समुहबाट गोली हानि हत्या गरिएको घटनाको राष्ट्रिय प्रजातान्त्रिक युवा संगठन (राप्रयुसं)ले एक विज्ञप्ति जारी गरी घोर भत्सर्ना गरेको छ ।

धर्म गुरु, धार्मिक क्षेत्र माथिको आक्रमण हिन्दुत्व कम्जोर पार्ने षडयन्त्र हुन सक्ने हुँदा घटनाको वास्तविकता पत्ता लगाइ दोषीलाई अबिलम्ब पक्राउ गरी कडा भन्दा कडा कारवाही गर्न सरकारसंग राप्रयुसं माग गरेको छ । साथै, दिवंगत आत्माको चिरशान्तिको कामना गर्दै परिवारजनमा हार्दिक समवेदना प्रकट गरेको छ ।