नेकपाको पकड रहेको खाँडाचक्र गाँउनै कांग्रेसमा प्रवेश

६ भदौ, कालिकोट । कालिकोट जिल्लाको खाँडाचक्र नगरपालिका वडा नं ६ सेरी ब्युराकोटी टोलका १ सय ५० जना नेकपाका नेता तथा कार्यकर्ताहरु नेपाली कांग्रेसमा प्रवेश गरेका छन् । नेपाली कांग्रेस कालिकोटका प्रभावशाली यूवा नेता भुपेन्द्रजंग शाहीको उपस्थितिमा विगत लामो समयदेखि नेकपामा संगलग्न  सम्पुण गाँउवासिहरू नेपाली कांग्रेसमा प्रवेश गरेका हुन।

नेकपाको सरकारबाट जनअपेक्षा अनुसार काम नभएको, भ्रष्टाचार मौलाएको भन्दै खाँडाचक्र नगरपालिका वडा नं २ सेरी ब्युराकोटी टोलका १ सय ५० जना नेकपाका नेता तथा कार्यक्रता नेपाली कांग्रेसमा प्रवेश गरेका हुन । नेपाली कांग्रेसका महासमिति सदस्य, २०७४ सालको प्रतिनिधि सभा सदस्यका उम्मेद्वार तथा युवा नेता भुपेन्द्रजंग शाहीले खाँडाचक्र नगरपालिका वडा नं २ सेरीब्युराकोटी टोल नै कांग्रेसमा प्रवेश गराएका हुन ।

प्रवेश हुनेहरुमा नेकपाका नेता ललित विक, धिरज बिक, पदम बिक, सुरज बिक, बिर्जित बिक, प्रेम बिक, अम्म बिक, अबिलाल बिक सहित १ सय ५० जना नेता तथा कार्यकर्ता छन् । नेकपाको पकड रहेको गाँउनै नेपाली कांग्रेसमा प्रवेश बनाउदै कांग्रेस युवा नेता भुपेन्द्रजंग शाहीले नेकपाको सरकारले गरेको गलत काम र राष्टघातका कारण जनताहरु आजित भएर कांग्रेसमा प्रवेश गर्न थालेको बताए ।

उनले कालिकोट पनि अब कांग्रेसमय बन्ने दाबी गरे । कार्यक्रममा नेपाली कांग्रेसका नेता पदमबहादुर शाही, पुर्व जिविस सभापती कटकबहादुर शाही, कांग्रेस नेता कालिबहादुर शाही, मानबहादुर शाही, गगन बिक, तुल विक, केशव बिक लगायतका नेताहरुको उपस्थिति रहेको थियो ।