पितृ प्रार्थना

♦ खेमराज लम्साल

हे मेरी माता ! हे मेरा पिता !! हे मेरा पितृदेव !!!
तपाईहरु नै मेरा सम्मान, श्रृद्धा र सम्झनाका देवादीदेव !!

दुःख–कष्ट हटाई आफ्ना सन्तानको रक्षा गरिदेउ !
अन्जानमा भएको भुल–त्रुटीप्रति क्षमादान गरीदेउ !

पितृप्रति आस्था, पितृप्रति श्रृद्धा राख्नु पर्दछ, यो कुरा सत्य हो !
अन्यथा, देवताले दिए पनि पितृले हर्छन, त्यो पनि पक्कै हो !

पितृको सेवा नगरेसम्म मृतात्मा तर्दैन स्वर्गमा !
त्यसैले सबैले बुझ, पितृकै भर पर, चिन्ता लिनु पर्दैन !
पितृको साथ पाएमा हामी कसैबाट हारखानु पर्दैन !

सन्तानले सम्झेमा मात्र पनि पितृले जहिल्यै दिनेछन्, आर्शिवाद !
देवतासँग समन्वय गरी गर्नेछन् आफ्ना सन्तानको जहिलै उद्दार !
पितृको सम्मान जसले गर्छ, चिरायु त्यो हुनेछ !
उन्नती, प्रगतिका मार्ग उसैलाई प्रशस्त बन्ने छ !

पितृको आर्शिवाद लिनलाई हामीले तिथिमा दिनु पर्दछ तर्पण–पिण्ड !
मरिसकेको मान्छे ठानेर पितृमाथि नगर बेवास्ता र घमण्ड !!

(खेमराज लम्साल, पुतलीबजार न.पा १, स्याङ्जा,
रचना: ९२०७७/५/ ६ वैकुण्ठधामबासी माताको तिथिका दिन)