कालिकोटका पहिरो पीडितलाई नायक पल शाहको राहत

७ भदौ, काठमाडौं । नायक पल शाहले कालिकोटका पहिरो पीडितलाई राहत वितरण गरेका छन् । हाम्रो टिम नेपाल र पल शाह प्रतिष्ठानको सहकार्यमा कालिकोटको नरहरिनाथ गाउँपालिकाका पिडितहरुलाई उनले खाद्यान्न, लत्ता कपडा राहत दिएका हुन् । उनीहरुले बाढी पहिरो प्रभावित ४० घर परिवारलाई खाद्यान्न, लत्ता कपडा वितरण गरेका छन् ।

‘हामीले आज कालिकोटको नरहरिनाथ गाउँपालिकामा आपतमा पर्नु भएकाहरुलाई पहिलो चरणको सहयोग गरेका छौ र बाँकी दोश्रो चरणको काम भोलि बिहान हुँदैछ’ पलले सामाजिक सञ्जाल फेसबुकमा लेखेका छन, ‘सुर्खेतमा रहेको ‘मोटे ग्याङ’ र ‘हाम्रो टिम नेपाल’का बिमल पन्त जी लाई विशेष धन्यबाद । साथै दुःखमा परेका नेपालीलाई सहयोगको हात बढाउन पाउँदा हामी ‘पल शाह प्रतिष्ठान’ र ‘हाम्रो टिम नेपाल’ खुशीको अनुभुती गरेका छौं ।’